Ministrja Kumbaro realizoi sot një takim me Shoqatën e Restoranteve dhe Bujtinave Turistike, në prag të nisjes së sezonit të ri turistik që nga të gjitha informacionet nga terreni parashikohet më i mbarë se vitet që kemi lënë pas.

Procedurat janë nisur më shpejt se çdo herë për nisjen e sezonit, prandaj bizneset s’kanë ç’presin por duhet të përveshin mëngët e të jenë gati për të përballuar gjithë kërkesën.

Faza e re e turizmit që po hyjmë na kërkon në sintoni të gjithë bashkë, e të mos bazohemi vetëm në shifra por në cilësi shërbimi, ushqimi, akomodimi dhe informacioni.